გურჯაანში ყოფილი სკოლა-ინტერნატის შენობის დემონტაჟი იგეგმება

გურჯაანის მუნიციპალიტეტის მერია კოსტავას ქუჩაზე მდებარე სკოლა-ინტერნატის ყოფილი შენობის დემონტაჟს უახლოეს მომავალში განახორციელებს. 

"შენობა აუქციონზე რამდენჯერმე გავიტანეთ, თუმცა ვერ გაიყიდა. რამდენიმე დღის წინ, შენობის შუა ნაწილი ჩამოინგრა. სასწრაფო დემონტაჟია საჭირო, რადგან მოსახლეობისთვის საფრთხეს შეიცავს. დემონტაჟი სავარაუდოდ სექტემბრის პირველ რიცხვებში დაიწყება. ტერიტორია სამშენებლო ნარჩენებისგან გასუფთავდება, მიწა მუნიციპალურ საკუთრებაში დარჩება, რომელიც შემდეგ პირობიანი აუქციონით გაიყიდება და იქ ისეთი რამ გაკეთდება, რაც მუნიციპალიტეტს წაადგება. “- განაცხადეს მერიაში.

ცნობისათვის, ყოფილი სკოლა-ინტერნატის შენობის ნაწილი 20 აგვისტოს ჩამოინგრა, შემთხვევის შედეგად არავინ დაშავებულა.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად