გურამ მაჭარაშვილი: ევროპული სასამართლოს მიერ გამოტანილი გადაწყვეტილებების აღსრულების ანგარიში ჩვენთვის სამაგიდო წიგნი უნდა იყოს

“როდესაც ამ ანგარიშს წაიკითხავ, გიჩნდება განცდა, რომ ასეთი ტიპის ანგარიში შეიძლება იყოს ერთგვარი სამაგიდო წიგნი ჩვენთვის და ჩვენი მომავალი თაობისთვის, რომ ასე არავინ არასდროს არ უნდა მოიქცეს”.

ამის შესახებ პარლამენტის საპროცედურო საკითხთა და წესების კომიტეტის თავმჯდომარე გურამ მაჭარაშვილმა იურიდიულ საკითხთა კომიტეტის სხდომაზე განაცხადა, სადაც ადამიანის უფლებათა ევროპული სასამართლოს მიერ საქართველოს მიმართ გამოტანილი გადაწყვეტილებების აღსრულების შესახებ 2019 წლის ანგარიში მოისმინეს.

„ამ ანგარიშს როდესაც წაიკითხავ, ორი განცდა შეიძლება დაგეუფლოს ადამიანს. ვეთანხმები ბატონ ანრის იმაში, რომ კარგი იქნებოდა, აქ ყოფილიყვნენ ჩვენი ოპონენტები, რადგან მათ პერიოდში არის ასეთი ტიპის დანაშაულები ჩადენილი და შემდგომ, ახლა ჩვენ გვიწევს როგორც ხელისუფლებას ადამიანების მიმართ არა მხოლოდ თანხით ამ ყველაფრის ანაზღაურება, არამედ მორალურადაც, რადგან საზოგადოების წინაშე ვგრძნობთ პასუხისმგებლობას. გიჩნდება განცდა, რომ ასეთი ტიპის ანგარიში შეიძლება იყოს ერთგვარი სამაგიდო წიგნი ჩვენთვის და ჩვენი მომავალი თაობისთვის, რომ ასე არავინ არასდროს არ უნდა მოიქცეს“, – განაცხადა გურამ მაჭარაშვილმა.​

 

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად