“გოლდენ გორი” ევროპა ლიგის გამარჯვებულია! სპორტი დამატების თარიღი 20:22, 8 დეკემბერი, 2018 6 რუმინეთის დედაქალაქ ბუქარესტში ეს წუთია დასრულდა ევროპის ლიგის ფინალური შეხვედრა ძიუდოში გორის “გოლდენ გორი” გორსა და პარიზის ლე ბლან მენილის ძიუდოისტთა კლუბის გუნდებს შორის. ქართველმა ძიუდოისტებმა დაამარცხეს მეტოქე ანგარიშით 3:2 და ევროპა ლიგის გამარჯვებულები გახდნენ. ფინალური შეხვედრები ასე დასრულდა: ვაჟა მარგველაშვილი – ვინსენტ ლიმარი ვაზარი დასრულებამდ 6 წამით ადრე ლაშა შავდათუაშვილი – გიიომ შენე ვაზარი ლუკა მაისურაძე – ჯონათან ალარდონი შეხვედრის დაწყებიდან 23-ე წამზე ლუკამ ვაზარზე დააგდო მეტოქე და შებოჭა. ბექა ღვინიაშვილი – მაქსიმ ამინოტი შეხვედრის ძირითადი დროის დასრულებამდე 20 წამით ადრე ბექა ღვინიაშვილმა დანებების ნიშნად მხარზე ხელი რამდენჯერმე დაარტყა მეტოქეს, რომელიც შებოჭვას ახორციელებდა. უშანგი კოკაური – როი მეიერი შეხვედრის ძირითადი დროის დასრულებამდე 11 წამით ადრე უშანგი კოკაური ბექა ღვინიაშვილის მსგავსად დანებდა მეტოქეს. მასალა მოამზადა რაულ კაპანაძემ.