გოგიტა არქანია მსოფლიოს ორგზის ჩემპიონია

სახელოვანმა ქართველმა კარატისტმა, ტოკიოს ოლიმპიური თამაშების მეხუთე ადგილოსანმა, 38 წლის გოგიტა არქანიამ დუბაიში გამართულ მსოფლიოს ჩემპიონატზე ოქროს მედალი მოიპოვა.

პირველ წრეში არქანიამ მექსიკელი მოწინააღმდეგე 8:0 დაამარცხა, მეორე წრეში მონტენეგროს წარმომადგენელი – 2:0, მესამე წრეში ესპანელ მოწინააღმდეგეს 8:0 სძლია, მეოთხე წრეში ამერიკელს – 3:0, მეხუთე წრეში ხორვატ მეტოქეს – 3:1. ფინალურ შეხვედრაში, რომელიც დღეს გაიმართა, ქართველმა კარატისტმა იტალიელ მოწინააღმდეგეს დაძაბულ ბრძოლაში 3:2 მოუგო და ჩემპიონის ტიტული მოიპოვა.
საქართველოს ეროვნული ოლიმპიური კომიტეტი ულოცავს გოგიტა არქანიას, მის ოჯახს, მწვრთნელებს, საქართველოს კარატეს ეროვნულ ფედერაციას, სამედიცინო პერსონალს ამ დიდ წარმატებას.

წყარო: საქართველოს ეროვნული ოლიმპიური კომიტეტი

კომენტარები
იტვირთება...