გიორგი სვანიძე: თბილისში იმყოფებიან ევროპელები, ბრიტანელები, საუდის არაბეთიდან, რომლებსაც ზეთისხილის სექტორში სურთ ინვესტიციის განხორციელება

თბილისში ზეთისხილის საერთაშორისო საბჭოს 114-ე სესია, მრჩეველთა რიგით 57-ე საბჭოს სხდომა მიმდინარეობს. 26 ნოემბერს კი ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება.

სესიას ზეთისხილის უმსხვილესი 43 მწარმოებელი ქვეყანა ესწრება.

ზეთისხილის საერთაშორისო საბჭოს პრეზიდენტი გიორგი სვანიძე აცხადებს, რომ ქვეყანაში ჩამოსული არიან უცხოელი ინვესტორები, რომლებსაც ზეთისხილის წარმოების სექტორში სურთ ინვესტიციის განხორციელება.

„ჩვენ ვმასპინძლობთ მსოფლიო საერთაშორისო ზეთისხილის საბჭოს საქართველოში.  ჩამოსული არის 48 ქვეყნის წარმომადგენელი. თქვენ იცით, რომ საქართველო მსოფლიო საერთაშორისო ზეთისხილის საბჭოს თავმჯდომარე ქვეყანა გახდა და მე ამირჩიეს პრეზიდენტად.

დღეს ტარდება საერთაშორისო საბჭოს 114-ე სესია.  26 ნოემბერი იუნესკოს მიერ აღიარებულია მსოფლიო კალენდარში, როგორც ზეთისხილის დღე. ესეც შარშან მოხდა, საქართველოს პრეზიდენტობის დროს.  ამასაც პარალელურად ასამბლეის ფარგლებში ვზეიმობთ საქართველოში.

საქართველო გახდა ამ საერთაშორისო საბჭოს წევრი, რაც ძალიან მნიშვნელოვანია. მსოფლომ საქართველო გაიცნო და წარმოაჩინა თავი, როგორც ზეთისხილის მწარმოებელი ქვეყანა.

მსოფლიო რუკაზე საქართველო ამ დიდი ოჯახის წევრი გახდა. საბჭოზე გამოვა სხვადასხვა  ევროკომისარი, რომელიც მაღალი რანგის ინტიტუტის წარმომადგენელია.

ასევე ჩამოსულია კერძო სექტორი, ფონდები, რომლებსაც აინტერესებთ საქართველო, როგორც საინვესტიციო ქვეყანა. აინტერესებთ ზეთისხილის დარგში ინვესტიციის განხორციელება.

ევროპელები, ბრიტანელები, საუდის არაბეთიდან, რომლებსაც კონკრეტულად ამ სექტორში სურთ ინვესტიციის განხორციელება.” – განაცხადა გიორგი სვანიძემ.

შეგახსენებთ, 24-26 ნოემბერს საქართველო ზეთისხილის საერთაშორისო საბჭოს 114-ე სესიას,მრჩეველთა რიგით 57-ე საბჭოს სხდომას და ზეთისხილის საერთაშორისო დღეს უმასპინძლებს. რომელიც იუნესკოს ეგიდით ტარდება.

კომენტარები
იტვირთება...