გიორგი გუგავა: სოციალური ფაშიზმია, როცა ადამიანებს სოციალური სტატუსით განსხვავებულ წესებს უდგენ
სოციალური ფაშიზმი, როდესაც ადამიანებს განასხვავებ ქონებრივი მდგომარეობითა და სოციალური სტატუსით და განსხვავებულ წესებს უდგენ მათ, – ამის შესახებ “ლეიბორისტული პარტიის” ერთ-ერთმა ლიდერმა გიორგი გუგავამ სოციალურ ქსელში დაწერა.
“სოციალური ფაშიზმი, როდესაც ადამიანებს განასხვავებ ქონებრივი მდგომარეობითა და სოციალური სტატუსით და განსხვავებულ წესებს უდგენ მათ.
სწორედ ასეთი გადაწყვეტილება მიიღო მთავრობამ, როდესაც საახალწლოდ გახსნა მოლები (შედარებით მდიდრებისათვის), ხოლო ბაზრობები დატოვა დაკეტილი, ასევე კვლავ არ აამუშავა საზოგადოებრივი ტრანსპორტი და საახალწლოდაც გაწირა ყველაზე დაბალშემოსავლიანი თუ უშემოსავლოდ დარჩენილი ადამიანები.
ეს არის ოლიგარქიის ნამდვილი ბუნება, რაც ზოგიერთ გამოთაყვანებულს ვერ გავაგებინეთ”, – წერს გიორგი გუგავა Facebook-ში.
შეგახსენებთ, 24 დეკემბრიდან – 2 იანვრის ჩათვლით შეზღუდვები სრული მოცულობით არ შემსუბუქდება. გაიხსნება მოლები, თუმცა გარკვეული შეზღუდვებით. არ გაიხსნება ბაზრობები და საზოგადოებრივი ტრანსპორტი როგორც ქალაქში, ისე საქალაქთაშორისო.