გიორგი გახარია: ოპოზიცია არის კომპეტენციისგან, შინაარსისგან დაცლილი, მორალის გარეშე, სასოწარკვეთილი და დეგრადირებული

“კომპეტენციისგან დაცლილი აბსოლუტურად, შინაარსისგან დაცლილი, ნუ, მორალზე საერთოდ არ ვსაუბრობთ. სასოწარკვეთილი და დეგრადირებული ოპოზიცია, რომელიც ცდილობს გაჭირვება, ბავშვების გაჭირვება, თითოეული ჩვენი მოქალაქის სიღარიბე გამოიყენოს იმისთვის, რომ რეალურად საქმეზე საუბრის გარდა…

ამ დროს პრემიერს სიტყვა გააწყვეტინა “ნაციონალური მოძრაობის” წევრმა თინა ბოკუჩავამ, რომელმაც რეპლიკის სახით ადგილიდან წამოიძახა: დეგრადირებულები ხართ თქვენ…

“ეს არის კიდევ ერთი მაგალითი იმისა, რომ ნაცვლად იმისა ვისაუბროთ შინაარსობრივად, როგორ გავაკეთოთ საქმე, ხდება ეს” – განაცხადა გიორგი გახარიიამ.

საბიუჯეტო ხარჯებზე, როდესაც საუბრობთ და, როდესაც ამბობთ, რომ ვეძებთ, არ გვაძლევენ ინფორმაციას, შემიძლია გასწავლოთ სად რა ინფორმაცია შეგიძლიათ ნახოთ. ნაწილობრივ მართლები ხართ, ოღონდ, როდესაც ამბობთ უნდა დამეთანხმოთ ერთ რაღაცაში, საქართველოს ბიუჯეტში ბოლო წლების განმავლობაში იყო ხელფასების ზრდა მაგალითად ხელფასი გაეზარდა პოლიციელს, – განაცხადა საქართველოს პრემიერ-მინისტრმა გიორგი გახარიამ პარლამენტში გამოსვლისას, სადაც ინტერპელაციის წესით იმყოფებოდა.

მისი თქმით, მიმდინარე ხარჯები ქვეყანაში, ბოლო წლების განმავლობაში შ 24%-დან, 21%-მდე შემცირდა.

„მიმდინარე ხარჯები ქვეყანაში, ბოლო წლების განმავლობაში შემცირდა 24%-დან, 21%-მდე. შესაბამისად ეს იმ პირობებში, როდესაც ხელფასი გაეზარდა პოლიციელს, ექიმს და ა.შ. საერთო ჯამში მაკროეკონომიკურად ჩვენი პრობლემაა მიმდინარე ხარჯები, ჩვენ ამას ვამცირებთ. რომ მეუბნებით სსიპ-ები, ააიპ-ის, სსიპ-ები და ააიპ-ების იმ სახელფასო ფონდში შედიან, რასაც თქვენ ვერ პოულობთ. ციფრი, რომელიც თქვენ გეშლებათ და ბალანს ვერ ადგენთ ეს არის სახელშეკრულებო ნაწილი. გასწავლით, მინიშნებას გაძლევთ და ნახეთ“, განაცხადა გიორგი გახარიამ.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად