გიორგი გახარია: დაპირებებს უკვე თავი უნდა დავანებოთ, საქმეს ხელი უნდა მოვკიდოთ და ვიშრომოთ

გიორგი გახარია რეგიონებში ვიზიტს განაგრძობს. პარტია „საქართველოსთვის“ თავმჯდომარემ დღეს ახალი ოფისი ჩხოროწყუში გახსნა.

გიორგი გახარია: „ეს ქაოსი ამ ქვეყანაში უნდა დასრულდეს და არავინ ამას არ დაასრულებს ჩვენს გარდა, საქმეს ხელი უნდა მოვკიდოთ და ვიშრომოთ“

„ჩვენ არავის არ ვეომებით და არავის არ ვებრძვით. ჩვენ მხოლოდ და მხოლოდ გვინდა ვიშრომოთ ამ ქვეყნის და აი ამ ბავშვების წარმატებული მომავლისთვის. დამთავრდა ამ ტყუილი დაპირებების დრო, დამთავრდა ერთმანეთთან ჩხუბის, გინების და ცემა-ტყეპის დრო! ეს ქაოსი ამ ქვეყანაში და ამ სახელმწიფოში უნდა დასრულდეს! და არავინ ამას არ დაასრულებს ჩვენს გარდა!“ – განაცხადა გახარიამ.

გახარიამ მხარდამჭერებს პარტიის მიდგომა გააცნო, რომ მნიშვნელოვანი საკითხების გადაჭრა ადგილობრივი მოსახლეობის შეხედულებისამებრ და მათი ჩართვით უნდა მოხდეს.
„მინდა იცოდეთ, რომ თითოეული ადამიანი რომელიც ჩვენს გვერდით იქნება – იქნება ის ხალხი, რომელსაც თქვენ გადაწყვეტთ რომ აქ უნდა იყოს. არცერთი საკითხი არ გადაწყდება ისე, რომ თქვენი ჩართულობა არ იყოს. ხალხმა უნდა იგრძნოს, რომ ძალაუფლება მისია და არავის არა აქვს უფლება, მის მაგივრად გადაწყვიტოს სად რა გზა უნდა დაიგოს, სად რომელი სკოლა გარემონტდეს, სად რა უნდა აშენდეს და ეს არის ყველაზე მნიშვნელოვანი. საუკეთესოები თქვენს შორის, უნდა იყვნენ ყველაზე საპასუხისმგებლო ადგილებზე. ამიტომ, ჩვენ მთავარია რომ კეთილსინდისიერი, წარმატებული, გამოცდილი, ღვაწლმოსილი ადამიანები შევარჩიოთ და მათ დავუყენოთ ახალგაზრდები. და აი ასე ტანდემში, ახალგაზრდებს ვასწავლოთ, რა არის ქვეყნის მსახურება. დაპირებებს უკვე თავი უნდა დავანებოთ და საქმეს ხელი უნდა მოვკიდოთ და ვიშრომოთ.“ – განაცხადა გიორგი გახარია.

კომენტარები
იტვირთება...