გიგი უგულავა პარლამენტში შესვლაზე: თუთიყუშებივით რამდენიც გაიმეორებთ, დაემსგავსებით კოლექტიურ თალაკვაძეს

ასე გამოეხმაურა „ევროპული საქართველოს“ წევრი, გიგი უგულავამ პარლამენტის თავმჯდომარის დღევანდელ მოწოდებას, რომლის მიხედვით, „შექმნილი ვითარებიდან გამოსავალია, ყველა ოპოზიციური პარტია, რომელიც საზოგადოების ნაწილმა აირჩია, ჩაერთოს პარლამენტის საქმიანობაში”.

„პარლამენტის თავმჯდომარე რომ გამოდის და ამბობს, ოპოზიცია შემოვა პარლამენტშიო, საერთოდ ხვდებით ალბათ, რომ ეს საკითხი შეკითხვის დონეზეც არაადეკვატურია. ამ ვითარებაში რა პარლამენტზე ვლაპარაკობთ? ვინც არიან, ისინიც უნდა გამოვიდნენ პარლამენტიდან. ეს დისკუსია დამთავრდა ხალხო და თუთიყუშებივით რამდენიც გაიმეორებთ, თქვენ ჩავარდებით უხერხულ მდგომარეობაში, რადგან დაემსგავსებით კოლექტიურ თალაკვაძეს. დღეს საკითხი სხვანაირად დგას. მგონი იმ 23 თებერვალს, როდესაც აქ შტურმით შემოვარდა ორიათასი ადამიანი და დააპატიმრეს ოპოზიციის ერთ-ერთი გამოკვეთილი ლიდერი, წერტილი დაესვა ყველანაირ ილუზიას, რომ ვინმე პარლამენტში უკანა კარიდან თუ წინა სადღესასწაულო კარიდან შევა. პარლამენტში შესვლა-არშესვლის საკითხზე წერტილი დასმულია და ეს საკითხი აღარ იხილება. საკითხი დგას ძალიან მკაფიოდ, – პოლიტპატიმრების გათავისუფლება, პოლიტიკური დევნის შეწყვეტა, რიგგარეშე არჩევნები. სხვა თემა არ არსებობს“, – განაცხადა გიგი უგულავამ.

მსგავსი სიახლეები
კომენტარები
იტვირთება...