გიგა ბოკერია: ივანიშვილს დღევანდელობის შენარჩუნება უნდა, სააკაშვილს წარსულში დაბრუნება, ჩვენ გარდამტეხი ცვლილებები

“ევროპული საქართველოს” მაჟორიტარობის კანდიდატი ფოთში, ხობსა და სენაკში გიგა ბოკერია მიხეილ სააკაშვილის განცხადებას ეხმაურება და აცხადებს, რომ საზოგადოებას არჩევანი აქვს ძალაუფლების შენარჩუნებასა და გარდამტეხ ცვლილებებს შორის, რისი სურვილიც “ევროპულ საქართველოს” აქვს. 

“სააკაშვილმა განაცხადა, რომ არჩევნები მხოლოდ მასსა და ივანიშვილს შორის არის. ეს არის ერთი ერთში ივანიშვილის პროპაგანდის გზავნილი, ამ კაცის ყველა გამოსვლა არის საჩუქარი ივანიშვილის პროპაგანდისთვის.

ამდენჯერ დაანონსება ჩამოსვლის ეს არის გადაგდება იმ ხალხის, ვისაც ამას დაჰპირდა. რაც მთავარია, ეს არის სიცრუე. არჩევანი არის იმათ შორის, ვისაც მხოლოდ თავისი ძალაუფლება აინტერესებს – ივანიშვილი ვისაც დღევანდელობის შენარჩუნება უნდა, სააკაშვილი, ვისაც უნდა წარსულში დაბრუნება და ქართული საზოგადოების უდიდეს ნაწილს შორის, რომელსაც უნდა გარდამტეხი ცვლილებები და ეს გვაქვს ჩვენ, “ევროპულ საქართველოს”, – განაცხადა გიგა ბოკერიამ ჟურნალისტებთან საუბრისას.

 

 

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად