გიგა ბოკერია: დავით ბაქრაძე თუ დატოვებს პარლამენტს, ეს იქნება წესიერი საქციელი

“ევროპული საქართველოს” თავმჯდომარე გიგა ბოკერია პარტიის ყოფილ თავმჯდომარეს აკრიტიკებს და აცხადებს, რომ თუ დავით ბაქრაძეს დატოვებს მე-10 მოწვევის პარლამენტს, ეს იქნება წესიერი საქციელი.

“მან საჯაროდ თქვა, რომ არახელსაყრელი შედეგის შემთხვევაში ის არ შევიდოდა პარლამენტში. ეს მან თქვა საჯაროდ და ძალიან ვწუხვარ, რომ ძალიან არაკორექტულად და უპატიოსნოდ მოიქცა პოლიტიკურად. მან ეს პოლიტსაბჭოზე განაცხადა და მერე საჯაროდაც დაადასტურა პოსტფაქტუმ, როცა პარტიული პოლიტიკიდან წავედიო, თქვა, რომ მე არც შევდიოდი პარლამენტში ცუდი შედეგის გამოო, ანუ ეს საიდუმლო არავისთვის არ არის.

ძალიან ცუდია, მე მრცხვენია კიდევაც, თუ ჩვენი ყოფილი თანაგუნდელები ასე მინიმალურად მაინც არ დაიცავენ იმ სტანდარტს, როდესაც ჩვენ ყოველთვის ვიცავდით.

ჯერჯერობით, ვერ ვხედავ წინაპირობას, მაგრამ თუ შევცდები და ის გამოასწორებს ამ თავის საქციელს და დატოვებს პარლამენტს, ეს იქნება წესიერი საქციელი.

ცოტა უცნაური იყო, თუ ხელს აწერ შეთანხმებას, იმ შეთანხმების ნაწილი იყო ეგრევე შესვლა პარლამენტში,” – განაცხადა გიგა ბოკერიამ.

მსგავსი სიახლეები
კომენტარები
იტვირთება...