გია გაჩეჩილაძე: “ოცნებამ” გაიტანოს ნაგავი თუ შეუძლია, მაგრამ არ შეუძლია ეტყობა, არაფრის გაკეთება მას არ შეუძლია…

მომღერალი გია გაჩეჩილაძე ხვალ დაგეგმილი შეკრების მოტივზე საუბრობს და ამბობს, რომ დღეს ქვეყანა სახელმწიფოებრივ კრიზისშია და ვეღარ ვითარდება.

როგორც გია გაჩეჩილაძემ “დღის კურიერში” განაცხადა, ხვალინდელ შეკრებაზე ის ადამიანები მივლენ, ვისთვისაც შექმნილი ვითარება კატეგორიულად მიუღებელია.

“გაიტანონ ეს პოლიტიკური ნაგავი ქართულმა ოცნებამ, რისთვისაც აირჩია ხალმა, ის გააკეთონ. 8 წელიწადია ყელში ამოვიდა მაგათი ამბავი, 5 კაცისთვის ვერ მიუხედიათ. დავიღალეთ, გაიყინა ქვეყანა, აღარ ჩანს არაფერი, მოგწონთ რაც ხდება ამ ქვეყანაში? დავიღალეთ, გესმით თქვენ? გაიტანოს ნაგავი თუ შეუძლია, მაგრამ არ შეუძლია ეტყობა 8 წლის განმავლობაში, არაფრის გაკეთება მას არ შეუძლია…

ხვალინდელი დღე არის დასაწყისი დასასრულის ამ ყველაფერის, რაც ახლა ხდება. ამ სტუდიიდან, სადაც ახლა მე ვზივარ, ვაპირებ ახალი მოძრაობის ჩამოყალიბებას საზოგადოებასთან ერთად, ინტერაქტივებით და ა.შ. რომ გავათრიოთ თუ მათ არ შეუძლიათ ეს ნაგავი საზოგადოებამ გაათრიოს ამ ქვეყნიდან, პოლიტიკურ ნაგავზე მაქვს ლაპარაკი,“ – განაცხადა გია გაჩეჩილაძემ.

მსგავსი სიახლეები
კომენტარები
იტვირთება...