ღარიბაშვილი: 2011 წელს სააკაშვილ ცდილობდა პუტინთან შეხვედრას, პატიებას სთხოვდა

“სააკაშვილი არ იყო ის ადამიანი, რომელიც რუსეთის, კერძოდ, პრიმაკოვს გარანტიით მოვიდა ხელისუფლებაში?! – განაცხადა ტვ პირველის თოქშოუში „რეაქცია“ „ქართული ოცნების“ პოლიტიკურმა მდივანმა ირაკლი ღარიბაშვილმა ოპოზიციის საპასუხოდ.

“სააკაშვილი არ იყო ის ადამიანი, რომელიც რუსეთის, კერძოდ, პრიმაკოვს გარანტიით მოვიდა ხელისუფლებაში?! სააკაშვილი არ იყო ის ადამიანი, რომელიც რუსეთის, კერძოდ, პრიმაკოვს გარანტიით მოვიდა ხელისუფლებაში, სააკაშვილი არ იყო ის ადამიანი, ვინც 2004-2007 წლებში ჩვენი ქვეყნის ძირითადი ენერგეტიკული აქტივები, ობიექტები გადასცა რუსეთს, სააკაშვილი არ იყო, ვინც რუსული ჯარი დააბრუნა ქვეყანაში და დააკანონა ოკუპაცია, დაკარგა კოდორი, ცხინვალი აფხაზეთი, ათასობით დევნილი? რაზე საუბრობენ, ერთი კომუნისტი ვიღაც გავრილოვის შემოსვლით არის გადაწონილი ეს ყველაფერი?”,-განაცხადა ღარიბაშვილმა.

ირაკლი ღარიბაშვილის თქმით, სააკაშვილი, მისივე ინიციატივით პუტინთან შეხვედრას ცდილობდა და პატიებას სთხოვდა.

2011 წელს სააკაშვილი მისი ინიციატივით ცდილობდა პუტინთან შეხვედრას, პატიებას სთხოვდა, ამის საპასუხოდ სააკაშვილის ინიციატივით უვიზო რეჟიმი გაუხსნა მოქალაქეებს, ამის გასამყარებლად საქართველომ უპირობოდ, კაპიტულანტურად მისცა თანხმობა რუსეთის ხელისუფლებას მსოფლიო სავაჭრო ორგანიზაციაში გაწევრიანებაზე. ამის მემკვიდრეები ჩვენ გველაპარაკებიან გავრილოვის შემოსვლაზე? რასაც ჩვენ ქვეყნის მეორე პირი შევწირეთ? მან აიღო ეს შეცდომა თავის თავზე. ეს რეალურად მისი შეცდომაც იყო“ – განაცხადა ირაკლი ღარიბაშვილმა.

მსგავსი სიახლეები
კომენტარები
იტვირთება...