განათლების, მეცნიერების, კულტურისა და სპორტის სამინისტროს გაყოფაზე პარლამენტში იმსჯელებენ

მთავრობის სტრუქტურაში დაგეგმილი ცვლილებების პროექტს დღეს პარლამენტის პლენარულ სხდომაზე მეორე მოსმენით განიხილავენ.

მთავრობის მიერ ინიცირებული პროექტის მიხედვით, განათლების, მეცნიერების, კულტურისა და სპორტის სამინისტრო იყოფა და ორ სამთავრობო უწყებად – განათლებისა და მეცნიერების და კულტურის, სპორტისა და ახალგაზრდობის სამინისტროებად ყალიბდება.

პარლამენტის განათლების, მეცნიერებისა და კულტურის კომიტეტის თავმჯდომარის მოადგილის, გიორგი ამილახვრის განმარტებით, „ქართული ოცნებისთვის“ კულტურა ერთ-ერთ მნიშვნელოვან პრიორიტეტს წარმოადგენს და ცვლილებები სწორედ სფეროს უფრო ეფექტიან მართვას ისახავს მიზნად.

პლენარულ სხდომაზე ასევე იმსჯელებენ პარლამენტის რეგლამენტში შესატან ცვლილებებზე, რომელიც ითვალისწინებს განათლების, მეცნიერებისა და კულტურის კომიტეტის შემადგენლობიდან კულტურის სფეროს გამოყოფასა და ახალი საპარლამენტო კომიტეტის – კულტურის კომიტეტის შექმნას.

მსგავსი სიახლეები
კომენტარები
იტვირთება...