ევროკავშირის ტექნიკური მხარდაჭერის პროექტის წარმომადგენლები კახეთის მუნიციპალიტეტებს ეწვივნენ

ევროკავშირის ტექნიკური მხარდაჭერის პროექტის წარმომადგენლები კახეთის მუნიციპალიტეტებს ეწვივნენ, რომლებმაც სრიგპ-ის პირველი კონკურსის ფარგლებში მიიღეს დაფინანსება.

ევროკავშირის ტექნიკური მხარდაჭერის პროექტის წარმომადგენლები, ვიტოლდ სარტორიუსი და თინათინ ხანჯალიაშვილი, 24 და 25 სექტემბერს კახეთში სახელმწიფო რწმუნებულის ადმინისტრაციასა და მუნიციპალიტეტებს ეწვივნენ, რათა ეხილათ როგორ მიმდინარეობს საპილოტე რეგიონების ინტეგრირებული განვითარების პროგრამის (სრიგპ) ფარგლებში დაფინანსებული პროექტების განხორციელების პროცესი. პროექტის წარმომადგენლებმა ინფორმაცია მიაწოდეს რეგიონულ ადმინისტრაციასა და მუნიციპალიტეტებს სრიგპ-ის ფარგლებში სამომავლოდ დაგეგმილი აქტივობების შესახებ. შეხვედრები გაიმართა კახეთში სახელმწიფო რწმუნებულის ადმინისტრაციასა და თელავის, ახმეტისა და საგარეჯოს მუნიციპალიტეტებთან.
2020 წლის ივნისში, საპილოტე რეგიონების განვითარების სამთავრობო კომისიამ ევროკავშირის მიერ თანადაფინანსებული პროგრამის – საპილოტე რეგიონების ინტეგრირებული განვითარების პროგრამის ფარგლებში პირველი კონკურსი ჩაატარა. 11-მა მუნიციპალიტეტმა 4 საპილოტე რეგიონიდან (კახეთი, იმერეთი, გურია, რაჭა, ლეჩხუმი და ქვემო სვანეთი) ჯამში 5 მილიონ ლარამდე დაფინანსება მიიღო. მათ შორის არის კახეთის 3 მუნიციპალიტეტი – თელავი, საგარეჯო და ახმეტა, რომელთაც ჯამში 1 770 000 ლარის დაფინანსება მიიღეს. მუნიციპალიტეტები, რომლებიც სამხარეო საკონსულტაციო საბჭოების მიერ იქნა შერჩეული საპილოტე რეგიონების სახელმწიფო რწმუნებულის ადმინისტრაციების მიერ ორგანიზებულ კონკურსში, მცირე მასშტაბიან ინფრასტრუქტურულ პროექტებს განახორციელებენ და ხელს შეუწყობენ ადგილობრივი ბიზნესის განვითარებას.
მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად