ეკა ბესელია: უკან დახევის უფლება უბრალოდ არ აქვს, ეს ნერვების ომია, იოლი არ არის

პარტია “სამართლიანობისთვის” ლიდერის, ეკა ბესელიას განცხადებით, ოპოზიციის მხრიდან ნებისმიერი კომპრომისი მიუღებელი იქნება.

ამის შესახებ ეკა ბესელიამ “ლეიბორისტული პარტიის” ოფისში ოპოზიციური პარტიების მორიგი შეხვედრის დაწყებამდე  ჟურნალისტებთან განაცხადა და განმარტა, რომ სწორედ ეს იქნება მისი მთავარი სათქმელი დღევანდელ შეხვედრაზე.

“ძალიან მნიშვნელოვანი პოლიტიკური პროცესია. ვინც არის ამ პროცესის მონაწილე, ყველას უნდა ესმოდეს, რომ რამე ტიპის მორალური კომპრომისი ოპოზიციის მხრიდან, იმ ადამიანების მხრიდან, ვისაც პარლამენტში შესვლის თაობაზე გადაწყვეტილება აქვს მიღებული, მიუღებელია. უკან დახევის უფლება უბრალოდ არ აქვს. ამის გაცნობიერება მნიშვნელოვანია. ეს ნერვების ომია, ეს იოლი არ არის. გამომიცდია, როცა 2008 წელს მანდატზე უარი ვთქვი. ვიცი, რომ ეს რთულია, მაგრამ როცა გადაწყვეტილებას იღებ, საჯარო ინტერესი პირად ინტერესზე მაღლა უნდა იდგეს. მე არ მინდა, რომ რომელიმე მათგანში ეს სისუსტე დავინახო”, – განაცხადა ეკა ბესელიამ.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად