A1 ბანერი

დონალდ ტრამპმა საუდის არაბეთის მეფესთან WP-ის ჟურნალისტის გაუჩინარების საკითხი განიხილა

აშშ-ის პრეზიდენტმა დონალდ ტრამპმა საუდის არაბეთის მეფე სალმან ბენ აბდელ აზიზ ალ საუდთან ჟურნალისტ ჯამალ ჰაშკაჯის გაუჩინარების საკითხი განიხილა. ამის შესახებ ამერიკის ლიდერმა მიკრობლოგ Twitter- ის გვერდზე დაწერა.

“მან (მეფემ) განაცხადა, რომ ისინი მჭიდროდ თანამშრომლობენ თურქეთთან პასუხების მოსაძებნად. მე დაუყოვნებლივ ვგზავნი სახელმწიფო მდივანს (მაიკ პომპეო ) მეფესთან შესახვედრად “, – განაცხადა ტრამპმა.

მანამდე, აშშ-ს პრეზიდენტმა განაცხადა, რომ საუდის არაბეთი “მკაცრი სასჯელის” წინაშე აღმოჩნდება, თუკი დადგინდება, რომ ხელისუფლება ჟურნალისტის გაუჩინარებაშია ჩართული. თუმცა, მან არ დააკონკრეტა, რა იქნება ეს.
ჯამალ ჰაშკაჯი გამოცემა The Washington Post- ში მუშაობდა და საუდის არაბეთის ხელისუფლებას აკრიტიკიკებდა. ჟურნალისტი 2 ოქტომბერს სტამბოლში თავისი ქვეყნის საკონსულოს შენობაში მივიდა, რათა დოკუმენტაცია მიეღო, თუმცა მას შემდეგ ის არავის უნახავს. არსებული ინფორმაციით, ჟურნალისტი მოკლეს. თუმცა, ერ-რიადი ყველა ბრალდებას უარყოფს. ისინი ირწმუნებიან, რომ ჟურნალისტმა საკონსულოს შენობა უსაფრთხოდ დატოვა.

მსგავსი სიახლეები
კომენტარები
იტვირთება...