დონალდ ტრამპმა სახელმწიფო მდივნის მოადგილის მოვალეობის შემსრულებელი დანიშნა

აშშ-ს პრეზიდენტმა დონალდ ტრამპმა სახელმწიფო დეპარტამენტის სპეციალური წარმომადგენელი ჰიზერ ნოიერტი სახელმწიფო მდივნის მოადგილის მოვალეობის შემსრულებლად დანიშნა. ამის შესახებ თეთრი სახლის განცხადებაშია აღნიშნული. 

"მომდევნო პირი, რომელიც სახელმწიფო მდივნის მოადგილის თანამდებობაზე დაინიშება, საჯარო დიპლომატი ჰიზერ ნოერტია ნიუ-იორკიდან", – ნათქვამია განცხადებაში.

ნოიერტი სტივ გოლდსტეინს შეცვლის, რომელიც 13 მარტს სახელმწიფო მდივნის რექს ტილერსონის გადადგომის შემდეგ გაათავისუფლეს.
სახელმწიფო მდივანი რექს ტილერსონი 13 მარტს პრეზიდენტმა დონალდ ტრამპმა თანამდებობიდან გაათავისუფლა. უწყების ახალი ხელმძღვანელი CIA- ის ყოფილი დირექტორი მაიკ პომპეო იქნება. ტრამპმა სახელმწიფო დეპარტამენტის ხელმძღვანელის თანამდებობიდან გათავისუფლების მიზეზად, მასსა და ტილერსონს შორის აზრთა სხვადასხვაობა დაასახელა.
თუმცა, სახელმწიფო მდივნის მოადგილემ სტივენ გოლდსტეინმა აღნიშნა, რომ ტილერსონი მისი გათავისუფლების შესახებ ინფორმირებული არ იყო. 

კომენტარები
იტვირთება...