დიმიტრი შაშკინი: მე არ ვიყავი საარჩევნო უბანზე – იარაღის ტარების უფლება მაქვს

თავდაცვის ყოფილი მინისტრი, ენმ-ს წევრი დიმიტრი შაშკინი არ უარყოფს, რომ ბოლნისის მუნიციპალიტეტის სოფელ ტალავერში იარაღით გადაადგილდებოდა.

ამის შესახებ განმარტება მან “კურიერთან” სატელეფონო საუბრისას გააკეთა. შაშკინი ამას იმით ხსნის, რომ მას აქვს საფრთხის განცდა და სწორედ ამიტომ გადაწყვიტა იარაღი თან ჰქონოდა, თუმცა ის ამბობს, რომ საარჩევნო უბანზე არ ყოფილა.

“მე მაქვს უფლება შსს-სგან მინიჭებული, რომ ვატარო ჩემი პირადი იარაღი, მე არ ვიყავი საარჩევნო უბანზე, ვჯდებოდი მანქანაში, როცა ოცნების პროვოკატორებმა გადამიღეს, მე კანდიდატი ვარ და საარჩევო უბანზე შესვლის უფლება არ მაქვს. ბოლნისში ჩვენს აქტივისტებს ესვრიან და სცემენ, მე მაქვს უფლება, რომ იარაღი საკუთარი თავდაცვისთვის ვატარო.  ამ რაიონში თარეშობს გოგი მეშველიანის ბანდა”, – განაცხადა დიმიტრი შაშკინმა.

შესაბამისს ფოტოს რუსთავი 2 ავრცელებს.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად