დავით ზილფიმიანი: მოქმედი რეგლამენტით გამოდის, რომ „ნაციონალური მოძრაობისა“ და „ქართული ოცნების“ გარდა, სხვა დეპუტატები უფლებააყრილი არიან ყველაფერზე

​ოპოზიციონერი დეპუტატის, დავით ზილფიმიანის მოსაზრებით, საპარლამენტო ოპოზიციისთვის გარკვეული უფლებამოსილების მინიჭებასთან დაკავშირებით რეგლამენტში ცვლილებების მომზადება სწორია.

ამის შესახებ დავით ზილფიმიანმა ჟურნალისტებთან განაცხადა და აღნიშნა, რომ ამ ცვლილებების მომზადებისთვის მაპროვოცირებელი მისი პოლიტიკური გუნდი არ ყოფილა.

„მოსაზრებას ვემიჯნები, რომ რაღაც ჩვენთვის კეთდება. ჩვენ მსგავსი ცვლილების მომზადება არავისთვის არ გვითხოვია. რეგლამენტში ასეთი ცვლილებების შეტანა რომ გადაწყვიტეს, სწორია და რატომ, აგიხსნით – მას შემდეგ, რაც საარჩევნო ბარიერის დაწევა მოხდა, პარლამენტში რამდენიმე ოპოზიციური პარტია შემოვიდა, ცალკე თემაა შემოდიან თუ არა, მაგრამ მოქმედი რეგლამენტით გამოდის, რომ „ნაციონალური მოძრაობისა“ და „ქართული ოცნების“ გარდა, სხვა დეპუტატები უფლებააყრილი არიან ყველაფერზე.

უბრალო მაგალითს მოგიყვანთ – რომელი კომიტეტის მუშაობაში მივიღებდი მონაწილეობას? საგარეო და განათლების კომიტეტებში. სწორი ხომ არ იქნება, რომ მის მუშაობაში მონაწილეობა არ მივიღო? მოქმედი რეგლამენტით, უფლება არ მაქვს, რომ ამ კომიტეტებში წარმადგინონ. პარლამენტში შემოსვლის პირველივე დღეს განცხადება გავაკეთო, რომ კომიტეტში შესვლა მსურდა, მაგრამ განმიმარტეს, რომ ფრაქცია არ გაქვთო. ეს ცვლილება ახლა რომ არ მოემზადებინათ, ადრე თუ გვიან ამ საკითხს დავაყენებდით“, – განაცხადა დავით ზილფიმიანმა.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად