დავით კირკიტაძე: ბარამიძის ვაშაძეზე გაკეთებული განცხადება მთლიანად მისი პოზიციაა და პარტიის უმრავლესობა არ ეთანხმება

“ეს ყველაფერი ტოვებს განცდას, რომ ოპოზიციაში რაღაც ხდება და ჩვენ ვცდილობთ, რომ დავეწიოთ ამ ყველაფერს. მაგალითად, რაც მოხდა გიორგი ვაშაძესთან დაკავშირებით”, – ასე მიმართა გადაცემა “რეაქციის” წამყვანმა გადაცემაში მოწვეულ სხვადასხვა ოპოზიციური პარტიების წარმომადგენლებს.

რაზეც გიორგი ვაშაძემ უპასუხა: “რა მოხდა ასეთი განსაკუთრებული?!” – რაზეც გრიგოლია პასუხობს:

“გუშინ გია ბარამიძე იჯდა ჩვენს სტუდიაში და არ მოგისმენიათ მისი შეფასებები?” – იკითხა გრიგოლიამ.

მას პასუხი “ნაციონალური მოძრაობის” წევრმა დავით კირკიტაძემ უპასუხა და თქვა:

“გია ბარამიძეს “ნაციონალური მოძრაობის” აბსოლუტური უმრავლესობა ბევრ ნაწილში არ ეთანხმება. პირდაპირ შემიძლია გითხრათ. ზოგი ემოციურია და ზოგი ნაკლებად. გია ბარამიძის ეს პოზიცია მთლიანად გია ბარამიძის პოზიცია იყო”, – განაცხადა დავით კირკიტაძემ.

გადაცემის წამყვანმა ზაალ უდუმაშვილის განცხადებაც გაიხსენა, რაზეც გიორგი ვაშაძემ თქვა:

“ქარცხეცხლს ნუ ავტეხთ… ერთი საათია ვზივარ და ცოტა ხანი მეც მალაპარაკეთ”.

გრიგოლიას პასუხი კი ასეთია: “მაპატიეთ ბატონო გიორგი ჯერ არ ხართ პრემიერ-მინისტრი. გინდათ თუ არა და მოდით მე წავიყვან გადაცემას ისე, როგორც ამას მე ვთვლი საჭიროდ”, – განაცხადა გიორგი ვაშაძემ.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად