“ჩინეთის სამხრეთ ავიახაზები” თბილისის აეროპორტიდან ახალ რეისებს განახორციელებს

"ჩინეთის სამხრეთ ავიახაზები" თბილისის აეროპორტიდან მსოფლიოს რამდენიმე ქალაქის მიმართულებით ახალ რეისებს განახორციელებს. 11 ნოემბერს, HUALING HOTELS & PREFERENCE-ში კომპანიის წარმომადგენლები თბილისი-ურუმჩი-სეულის, თბილისი-ურუმჩი-გუანჯოუ-ნიუ იურკის, თბილისი-ურუმჩი-გუანჯოუ-ტორონტოს და თბილისი-ურუმჩი-გუანჯოუ-ლოს-ანჟელესის მიმართულებით რეისების პრეზენტაციას გამართავენ.

თბილისი-ურუმჩის რეისი კვირაში ორჯერ, სამშაბათსა და შაბათს, 22:40-ზე განხორციელდება.

ღონისძიებას დაესწრებიან ჩინეთის ავიახაზების სათავო ოფისის მარკეტინგის განყოფილების გენერალური მენეჯერი, საქართველოში ჩინეთის საელჩოს წარმომადგენლები, თბილისის საკრებულოს თავმჯდომარე, საკრებულოს თავმჯდომარის მოადგილე, ფრაქცია “თბილისელების” თავმჯდომარე, სამოქალაქო ავიაციის, "ტავ ჯორჯიას", საქართველოს აეროპორტების გაერთიანების, ტურიზმის ეროვნული სააგენტოს, სხვადასხვა ჩინური კომპანიების წარმომადგენლები, ასევე თავისუფალი უნივერსიტეტის ლექტორები და სტუდენტები.

შეხვედრის ბოლოს გათამაშდება ლატარია. მოგებულს გადაეცემა უფასო ორმხრივი ბილეთი თბილისი-პეკინის მიმართულებით; მეორე ადგილის მფლობელს კი – ორმხრივი ბილეთი თბილისი-ურუმჩის მიმართულებით.

მსგავსი სიახლეები
კომენტარები
იტვირთება...