ბობოხიძე უმრავლესობას: როდემდე უნდა იცხოვროთ “ნაციონალური მოძრაობის” შიშით?

ამ კითხვით საპარლამენტო ფრაქცია „ევროპული საქართველოს“ წევრმა აკაკი ბობოხიძემ საპარლამენტო უმრავლესობას პარლამენტის პლენარულ სხდომაზე, სადაც პროპორციულ სისტემასთან დაკავშირებით უმრავლესობის მიერ მომზადებული საკონსტიტუციო ცვლილებების პროექტის განხილვა მიმდინარეობს

აკაკი ბობოხიძემ უმრავლესობის წევრებს მმართველი გუნდის შეახსენა, რომ ხელისუფლებაში სწორედ ისინი არიან და ამდენად, გადაწყვეტილებებიც მათი მისაღებია.

“დღეს ვიხილეთ კლასიკური გალაშქრება მთავარი პოლიტიკური სისტემის წინაშე. რეალურად, თქვენ გაილაშქრეთ პარტიული სისტემის წინააღმდეგ, როდესაც ადამიანებს ელაპარაკებით, რომ თურმე პარტიები არიან წურბელები, რომლებიც ბიუჯეტზე სხედან და წურბელასავით სისხლს წოვენ ქვეყანას. ამას ლაპარაკობს პოლიტიკური ძალა, რომელმაც გააოგნეთ ქვეყანა არანორმალური დანამატებით და პრემიებით.

რაზედაც თქვენ ახლა დაობთ, ბლოკები უნდა იყოს თუ არა. მაპატიეთ, მაგრამ რა კანონის და თქვენი გასარკვევი უნდა იყოს, რომელი პარტია ვისთან მივა და როგორ მივა? რატომ უნდა იყოს ეს საერთოდ პარლამენტის სამსჯელო? ვისაც უნდა მივიდეს ერთმანეთთან – პრორუსული, პროდასავლური, მემარცხენე, მემარჯვენე… ხალხმა შეაფასოს მერე იმ პარტიების გულწრფელობა, რომლებიც სხვადასხვა მიმართულებისაა და ერთად მოიყრიან თავს.

რაც შეეხება „ნაციონალურ მოძრაობას“, როდემდე უნდა იცხოვროთ „ნაციონალური მოძრაობის“ შიშით და როდემდე უნდა მიიღოთ გადაწყვეტილებები იმის მიხედვით, რას ფიქრობს „ნაციონალური მოძრაობა“. ქვეყანას თქვენ მართავთ, ბატონებო და არა „ნაციონალური მოძრაობა“, – განაცხადა ბობოხიძემ.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად