ბიზნესმენ დავით კოდუას პატიმრობა შეეფარდა

თბილისის საქალაქო სასამართლომ ბიზნესმენ დავით კოდუას, რომელიც ოჯახის წევრების ძალადობაშია ბრალდებული, აღკვეთი ღონისძიების სახედ პატიმრობა შეუფარდა.

წინასასამართლო სხდომა 1 ივნისს 12 საათზე ჩაინიშნა.

საქართველოს პროკურატურამ დავით კოდუას  ბრალდება წარუდგინა მეუღლის და შვილის მიმართ განხორცილებული ფიზიკური ძალადობის ფაქტზე. 

შეგახსენებთ, შინაგან საქმეთა სამინისტროს მიერ ჩატარებული გამოძიებით დადგინდა, რომ 2021 წლის 11 აპრილს, ქ.თბილისში, დ.კ.-მ ურთიერთშელაპარაკების ნიადაგზე, მეუღლის – ნ.გ.-ს და შვილის ე.კ.-ს მიმართ ფიზიკური ძალადობა განახორციელა.
სამართალდამცველებმა დ.კ. 2021 წლის 12 აპრილს დააკავეს. მას ბრალდება საქართველოს სისხლის სამართლის კოდექსის 126 პრიმა მუხლის მე-2 ნაწილის ,,გ’’ ქვეპუნქტით (ოჯახის ერთი წევრის მიერ, ოჯახის სხვა წევრის მიმართ ძალადობა, რამაც ფიზიკური ტკივილი გამოიწვია, ჩადენილი ორი ან მეტი პირის მიმართ) წარედგინა, რაც სასჯელის სახედ და ზომად ერთიდან სამ წლამდე თავისუფლების აღკვეთას ითვალისწინებს.
პროკურატურა ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით თბილისის საქალაქო სასამართლოს კანონით დადგენილ ვადაში მიმართავს.
საქართველოს პროკურატურა ოჯახური დანაშაულის ფაქტებზე მკაცრ სისხლის სამართლის პოლიტიკას ახორციელებს, რასაც მომავალშიც გააგრძელებს.
სისხლის სამართლის საქმეზე გამოძიება გრძელდება”, – აღნიშნულია საგამოძიებო უწყების განცხადებაში.

მსგავსი სიახლეები
კომენტარები
იტვირთება...