დათო ბერძენიშვილი ბიძინა ივანიშვილს: და მაინც იცეკვებთ…

ასე გამოეხმაურა “რესპუბლიკური პარტიის” ერთ-ერთი ლიდერი დავით ბერძენიშვილი პარლამენტში მიმდინარე პროცესს საკონსტიტუციო ცვლილებებთან დაკავშირებით, რათა 2020 წელს სრულად პროპორციულ სისტემით ჩატარდეს საპარლამენტო არჩევნები.

ნათლად ჩანს, რომ ღარიბაშვილის წრის და სუსის კონტროლქვეშ მყოფი პრორუსი დეპუტატები ‘ეჭიმებიან ” ბიძინას. ის კიდე მათთან “მოლაპარაკებას” მართავს. შეხვედრის შემდეგ ეს საბელგამობმული დეპუტატები კი გვამცნობენ, რომ ბიძინასთან მძიმე საუბარი ჰქონდათ)))

პარალელურად, ორ დღეში “გაძველბიჭდა” კობახიძე მდინარაძითურთ. რა მდარე სცენარია. და მაინც იცეკვებთ “ბ- ნო ბიძინა” (თქვენი ქვეშევრდომებიანად)…საზოგადოების, ოპოზიციის, დასავლეთის დაკრულზე აგაცეკვებენ. ხვალვე ჯობია!” – დაწერა დავით ბერძენიშვილმა Facebook-ში.

ცნობისთვის, პარლამენტმა 2020 წელს პროპორციულ სისტემაზე გადასვლასთან დაკავშირებით კენჭისყრა მეორედ გადადო. რისი მიზეზიც მაჟორიტარების პროტესტია. რამდენიმე მაჟორიტარმა დეპუტატმა ღიად გამოთქვა ამ საკითხზე პროტესტი და აღნიშნეს, რომ ისინი კანონპროექტს ხმას არ მისცემენ და ბიძინა ივანიშვილსაც შეხვდნენ. კენჭისყრა დღეს არის დაგეგმილი.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად