ბექა დავითულიანი: გამოძიება ყველა კითხვას პასუხს გასცემს და ალბათ, ბევრ ოპონენტს არ მოეწონება

საპარლამენტო უმრავლესობის წევრის ბექა დავითულიანის განცხადებით, გავრცელებული ჩანაწერები ფაბრიკაციაა და ყველა კითხვას გამოძიება გასცემს პასუხს.

„უკანონო, ფაბრიკაციული ჩანაწერების შინაარსის შეფასებაში ამ ეტაპზე არ შევალ, ვინაიდან ამის კეთება რომ დავიწყოთ, ის ათასობით ჩანაწერი უნდა შევაფასო, რომელიც გავრცელებულა. არ ვაპირებ, ჩემს თავს ეს ვაკადრო.

გამოძიება დაწყებულია, ყველა კითხვას პასუხს გამოძიება გასცემს, მათ შორის შინაარსობრივსაც, როდის არის ჩაწერილი და რა თემას ეხება, ასევე როგორ არის მოპოვებული, არის თუ არა დამონტაჟებული. ყველა ისეთ პასუხებს გაიგებს, რომელიც ობიექტური იქნება და ალბათ, ბევრ ოპონენტს არ მოეწონება. გამოძიება არის მრავალმხრივი და ყველაფერს შეაფასებს“, – განაცხადა ბექა დავითულიანმა.

საქართველოს პროკურატურამ ფარული ჩანაწერების გავრცელებასთან დაკავშირებით გამოძიება დაიწყო.

მსგავსი სიახლეები
კომენტარები
იტვირთება...