ბახმაროში, დოღი და მუსიკალური ფესტივალი გაიმართა

კურორტ ბახმაროში ფერისცვალების დღესასწაული აღინიშნა და ტრადიციული დოღი გაიმართა. შეჯიბრში საქართველოს სხვადასხვა რეგიონიდან ჩასული ცხენოსნები მონაწილეობდნენ.

გაიმართა ასპარეზობა ქართულ ჭიდაობაში – “ბახმაროს ფალავანი 2019“ ჩოხატაურელი სოსო კუტალაძე გახდა. მარულაში, ზუგდიდელმა მხედარმა საბა ეხვაიამ გაიმარჯვა, რომელსაც ბახმაროს თასი გადაეცა. დოღი კომპანია წყალი მარგებელისა და ჩოხატაურის მუნიციპალიტეტის მერიის ორგანიზებით ჩატარდა.

ღონისძიებას დაესწრნენ საქართველოს პარლამენტის თავმჯდომარე არჩილ თალაკვაძე, პარლამენტარები, მოწვეული სტუმრები, გურიის მხარისა და ადგილობრივი ხელისუფლების წარმომადგენლები.

“სრულიად საქართველოს, გურულებს და ბახმაროში ამოსულ ყველა სტუმარს, ვულოცავ ფერისცვალების დღესასწაულს! მიხარია, რომ უამრავი დამსვენებელი და სტუმარი ესწრება დღევანდელ ღონისძიებას. ყველაფერს გავაკეთებთ იმისათვის, რომ აუცილებელი პირობები შევქმნათ, მომავალ წელს ბახმარო ამ დღეს უფრო მეტად მომზადებული დახვდეს და ეს ულამაზესი ადგილი გახდეს ოთხსეზონიანი კურორტი, გვყავდეს მეტი ვიზიტორი” – განაცხადა გურიის მხარის რწმუნებულმა ზურაბ ნასარაიამ.

დოღის დასრულების შემდეგ, მზის ჩასავალი გორის მიმდებარედ, თანამედროვე მუსიკის ფესტივალი გაიმართა,, რომელიც დილამდე გაგრძელდა. ფესტივალის, რომლის მედია პარტნიორი „გურია ნიუსია“, „ჩექ ინ ჯორჯიას“ ფარგლებში ტარდება.

მსგავსი სიახლეები
კომენტარები
იტვირთება...