ბაჩალიაშვილის დედა: გარდატეხის ასაკში უჭირდა ჩემ შვილს, მიიღო აბი, მოიწამლა და იაშვილში იწვა

“შსს-ში მითხრეს „ვოცაფში“ არაფერიაო. დამიდეს ზარები, რომელიც იმ დღეს საერთოდ არ არის დანარეკი, არის წინა დღეს დარეკილი ვიღაცა  ქოიავასთან, რომელიც არის „ჰერბალაიანის“ წარმომადგენელი.  უფრო კულტურულად მაყრიან თვალში ნაცარს, ვიდრე თეთრიწყაროს რაიონში შემაყარეს”, – ამის შესახებ თამარ ბაჩალიაშვილის დედამ, თეონა ბაჩალიაშცვილმა გადაცემა “პოლიტიკის ფორმულაში” განაცხადა.  

“დროს აჭიანურებენ. რამდენადაც გავიგე ჩემი შვილის დისკრედიტაციას აპირებენ. ამას ნამდვილად არ დავუშვებ. ამისთვის ყველაფერს გავაკეთებ. თუ უნდათ, აგერ ღია ცის ქვეშ ვზივარ და მომკლან ამისთვის, გინდაც სნაიპერი დაიქირავონ, ჩემი შვილის დისკრედიტაციას არ დავუშვებ! რაც არ უნდა მოხდეს, არ მივცემ მაგათ ამის უფლებას!

გარდატეხის ასაკში უჭირდა ჩემ შვილს, იქაც სახელმწიფოა დამნაშავე, აფთიაქში ბავშვს მისცეს ისეთი წამალი, რისი მიცემის უფლება არ ჰქონდათ 12 წლის ბავშვისთვის მიეცათ.

ბავშვმა მიიღო ეს წამალი და  ამის გამო იაშვილის კლინიკაში იწვა და გამოვიდა მდგომარეობიდან. ერთი აბიც კი მისთვის მომწამვლელი აღმოჩნდა, იმიტომ რომ დიდი დოზა იყო მიღებული.

ამას იმიტომ ამბობენ, რომ ჩემი შვილის დისკრედიტაცია უნდათ. ჩემს შვილს ვინც იცნობს, ყველამ იცის, რომ უაღრესად ნიჭიერი, პატიოსანი და სამართლიანი ადამიანი იყო. რასაც შეეწირა კიდეც”, – განაცხადა თეონა თამაზაშვილმა გადაცემა “პოლიტიკის ფორმულაში”

ცნობისთვის, 17 ივლის 23 წლის თამარ ბაჩალიაშვილი ქვემო ფონიჭალაში მდებარე საცხოვრებელი სახლიდან დილის 11 საათიდან ვერცხლისფერი „ჰუნდაით“ გავიდა. რამდენიმე საათში ოჯახმა მას ძებნა დაუწყო და პოლიციას მიმართა. ბაჩალიაშვილი ბოლოს მარნეულში ნახეს, შემდეგ კი თეთრიწყაროს სოფელ ხაიშში, საიდანაც მისი კვალი გაქრა. მომხდარ ფაქტზე გამოძიება სისხლის სამართლის კოდექსის 143-ე მუხლით დაიწყო, რაც თავისუფლების უკანონო აღკვეთას გულისხმობს.

5 დღიანი ძებნის შემდეგ, ფონიჭალიდან 46 კილომეტრში თამარ ბაჩალიაშვილი, რომელიც კომპანია „ზეგ“-ის ყოფილი თანამშრომელია, თეთრიწყაროს მუნიციპალიტეტის ტყეში საკუთარ ავტომანქანის უკანა სავარძელზე გარდაცვლილი, მწოლიარე მდგომარეობაში იპოვეს. თამარ ბაჩალიაშვილის გარდაცვალების საქმეს მეორე მუხლიც დაემატა. სისხლის სამართლის კოდექსის 115-ე მუხლი, რაც თვითმკვლელობამდე მიყვანას გულისხმობს.

შეგახსენებთ, თვითმხილველების თქმით, გაუჩინარებულ თამარ ბაჩალიაშვილს პოლიციამდე ორი ახალგაზრდა კაცი ეძებდა, რომლებიც ოჯახის ახლობლებლად გაეცნენ. მოგვიანებით კი გაირკვა რომ პირები არ არიან ოჯახის ახლობლები.

თამარ ბაჩალიაშვილის ოჯახის ადვოკატის, მიხეილ რამიშვილის თქმით, ჯერჯერობით დაუდგენელია ის 2 პირი, რომელიც თამარ ბაჩალიაშვილს ეძებდა

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად