ავსტრიის განვითარების თანამშრომლობის პროგრამის 2021-2027 წლების საქართველოს ახალ სტრატეგიაზე სამუშაო შეხვედრა გაიმართა

საქართველოს ეროვნულ პრიორიტეტებზე, დარგობრივ საჭიროებებსა და ავსტრიის განვითარების თანამშრომლობის პროგრამის 2021-2027 წლების საქართველოს ახალი სტრატეგიის ძირითად მიმართულებებზე იმსჯელეს სამუშაო შეხვედრაზე, რომელიც დღეს საქართველოს მთავრობის ადმინისტრაციის უფროსის, ნათია მეზვრიშვილის ხელმძღვანელობით, მთავრობის ადმინისტრაციაში სამუშაო შეხვედრა გაიმართა.

ავსტრიის განვითარების სააგენტო ამჟამად მუშაობს ქვეყნის ახალ სტრატეგიაზე 2021-2027 წლებისთვის, შესაბამისად, შეხვედრაზე განხილული იყო ავსტრიისა და საქართველოს მთავრობის, ასევე სამოქალაქო საზოგადოების წარმომადგენლებთან სამომავლო თანამშრომლობი შესაძლებლობები და ახალი ინიციატივები.

საქართველოს მთავრობის წარმომადგენლებმა ავსტრიის მხარეს მიაწოდეს დეტალური ინფორმაცია ქვეყნის ეროვნული პრიორიტეტებისა და დარგობრივი საჭიროებების შესახებ. სფეროები და რეფორმები, რომლებშიც სასურველია ავსტრიის დახმარების მიმართვა ძირითადად ეხება ეკონომიკის ზრდას, განათლების სისტემის ახალი რეფორმის ფარგლებში შრომის ბაზარზე სამუშაო ძალის მოთხოვნისა და მიწოდების კუთხით არსებული დისბალანსის აღმოფხვრას, მაღალმთიან რეგიონებში ეკო და აგროტურიზმის განვითარებას, გარემოსდაცვით პოლიტიკას, სოფლის განვითარებას და სოფლის მეურნეობის დარგში არსებულ სხვა საჭიროებებს.

საქართველოს მთავრობის ადმინისტრაციის უფროსმა ავსტრიის საგარეო საქმეთა სამინისტროს და ავსტრიის განვითარების სააგენტოს (ADA) წარმომადგენლებს მადლობა გადაუხადა ქვეყნის განვითარების ურყევი მხარდაჭერისთვის, რომელიც 1995 წლიდან დღემდე 95 მილიონ ევროს შეადგენს.

მხარეები შეთანხმდნენ, რომ საქართველოს დახმარების ახალი 7-წლიანი პროგრამის შემუშავების პროცესში აქტიური თანამშრომლობა გაგრძელდება.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად