აშშ-მა ჰაიტიში სამხედრო ძალის გაგზავნაზე უარი თქვა

აშშ-მა უარი უთხრა სამხედრო ძალის გაგზავნაზე ჰაიტის ხელისუფლებას, რომელიც ესწრაფვის ქვეყანაში წესრიგის დამყარებას კარს მომდგარი საპრეზიდენტო და საპარლამენტო არჩევნების წინ.

ქვეყანაში ვითარება დაიძაბა მას შემდეგ, რაც უცნობმა შეიარაღებულმა პირებმა ოთხშაბათს ღამით ჰაიტის პრეზიდენტი ჟოვენელ მოიზი დედაქალაქ პორტ-ო-პრენსში, პრეზიდენტის რეზიდენციაში, მოკლეს.

პრეზიდენტი ადგილზე გარდაიცვალა. მის სხეულში ტყვიისგან მიყენებული 12 ჭრილობა აღმოაჩინეს. დაშავდა მისი მეუღლე, მარტინ მოიზიც. მოგვიანებით იგი აშშ-ში გადაიყვანეს სამკურნალოდ.

ტელეკომპანია სიენენის ცნობით, ჰაიტის ხელისუფლება აშშ-ს 500-კაციანი სამხედრო ქვედანაყოფის გაგზავნას სთხოვდა.

პრეზიდენტის მკვლელობის შემდეგ ჰაიტის ხელისუფლებამ ქვეყანაში საგანგებო მდგომარეობა გამოაცხადა და საერთაშორისო აეროპორტი დახურა.

კომენტარები
იტვირთება...