აშშ-მ ირანს კვლავ სანქციები დაუწესა

აშშ-მა ირანს კვლავ სანქციები დაუწესა, – აღნიშულის შესახებ რუსული BBC წერს.

"ბალისტიკური რაკეტების შემუშავების პროგრამა, ბირთვული იარაღის რესურსების შემუშავებისთვის არასდროს ყოფილა განკუთვნილი", – აცხადებს ირანის საგარეო საქმეთა სამინისტროს ოფიციალური წარმომადგენელი.

ირანის საგარეო საქმეთა სამინისტრო აშშ-ს სანქციებს არალეგიტიმურად მიიჩნევს.

"ირანის ისლამური რესპუბლიკა, ამ ლეგალური ბალისტიკური იარაღის შემუშავების პროგრამის დაჩქარებაზე, გადამწყვეტ პასუხს გასცემს", – აცხადებენ ირანის საგარეო საქმეთა სამინისტროში.

შეგახსენებთ, რომ დღეს დილით, აშშ-მა ირანის კომპანიებისა და კონკრეტული პირების წინააღმდეგ, ბალისტიკური რაკეტების დატესტვის გამო სანქციები გაატარა. ახალი სანქციები 11 ირანულ კომპანიასა და კონკრეტულ პირებს ითვალისწინებს, რომლებიც ირანის სარაკეტო პროგრამასთან არიან კავშირში, აშშ-ს საბანკო სისტემას ვერ გამოიყენებენ.

აღნიშნული გადაწყვეტილება, აშშ-მ, ირანისთვის საერთაშორისო სანქციების მოხსნის შემდეგ მიიღო. სანქციები ოფიციალურად კვირას მოიხსნა, მას შემდეგ, რაც ატომური ენერგიის საერთაშორისო სააგენტომ, თეირანის მიერ ატომური ენერგიის ყველა პირობა შესრულებულად სცნო.

მსგავსი სიახლეები
კომენტარები
იტვირთება...