ამირან გამყრელიძე: პირბადის ტარების მაჩვენებელი 62% მდეა შემცირებული, კვლავ ვქმნით ილუზიას, რომ კორონავირუსი დავამარცხეთ

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ჯანმრთელობის გაზომვათა ინსტიტუტის ბოლო კვირის მონაცემებით, საქართველოში პირბადის ტარების მაჩვენებელი 72% -დან 62% -მდე შემცირდა, რაც მიანიშნებს, რომ მოსახლეობა კვლავ იქმნის ილუზიას კორონავირუსის დამარცხებასთან დაკავშირებით.

ამირან გამყრელიძე მოქალაქეებს თხოვნით მიმართავს, პირბადის ტარების მაჩვენებელი არათუ შეამცირონ, 95%- მდე გაზარდონ, რადგან ამ დრომდე ნიღაბი მთავარი პრევენციული საშუალებაა.

„მოგეხსენებათ, ჩვენ ძალიან კარგად ვთანამშრომლობთ ჯანმრთელობის გაზომვათა ინსტიტუტთან, რომელიც გარკვეულად პროგნოზირებას გვიკეთებს, ასევე გუგლის საშუალებით ითვლის ჩვენთან პირბადის ტარების მაჩვენებელს, რომელიც შემოდგომასთან მიმართებაში გაზრდილი იყო 72% -მდე, ბოლო მონაცემებით, ბოლო კვირაში გვაქვს კლება 62%- ზე. ეს ნიშანია იმისა, რომ რადგან ქვეყანაში ეპიდსიტუაცია სტაბილურდება, კვლავ ვქმნით ილუზიას, რომ ჩვენ კორონავირუსი დავამარცხეთ, არადა, 400 ყოველდღიური შემთხვევა არ არის ცოტა საქართველოსთვის, ძალიან საყურადღებოა. კიდევ ერთხი თხოვნა მაქვს მოსახლეობისადმი, მთავარი პრევენციული საშუალების, პირბადის ტარება კიარ უნდა შევამციროთ 62%- მდე და ქვემოთ, არამედ პირიქით, ავწიოთ 95% – მდე დ ყველა შემსუბუქება, რაც დღეს გამოცხადდა, უფრო ადვილად გადაგვატანინებს მომავალ ორ თვეს“, – განაცხადა ამირან გამყრელიძემ.

მსგავსი სიახლეები
კომენტარები
იტვირთება...