ამირან გამყრელიძე: პეკინში ჩვენი საელჩოს საშუალებით მიღწეულია შეთანხმება, რომ 500 000 დოზას საქართველო იყიდის “სინოფარმისგან”

დაავადებათა კონტროლის ეროვნული ცენტრის ხელმძღვანელი ამირან გამყრელიძე აცხადებს, რომ საქართველო წითელი ჯვრის მეშვეობით „სინოფარმის“ ვაქცინის 100 ათას დოზას მიიღებს, ხოლო ჩინეთში საელჩოს მიერ წარმოებული მოლაპარაკების შედეგად, 500 ათას დოზას შეიძენს.

„გიდასტურებთ, რომ საქართველოს ჯანდაცვის მინისტრს ჰქონდა შეხვედრა წითელი ჯვრის საერთაშორისო ორგანიზაციასთან. წითელი ჯვრიდან მყარი დაპირება არის, რომ საქართველო მათი საშუალებით, დონაციის სახით და არა შესყიდვით, მიიღებს 100 000 დოზა „სინოფარმის“ ვაქცინას. თუმცა თარიღი არ არის ჯერ დაზუსტებული, როდის იქნება მოწოდება.

რაც შეეხება დანარჩენ 500 000 დოზას, ასევე გიდასტურებთ, რომ დიახ, საგარეო საქმეთა სამინისტროს მეშვეობით, მიმდინარეობს მოლაპარაკება „სინოფარმის“ ხელმძღვანელობასთან პეკინში ჩვენი საელჩოს საშუალებით და მიღწეულია შეთანხმება, რომ 500 000 დოზას საქართველო იყიდის „სინოფარმისგან“. ვაქცინა ქვეყანაში ივნისის მეორე ნახევარში შემოვა“, – განაცხადა საქართველოს პირველ არხთან საუბრისას ამირან გამყრელიძემ.

მსგავსი სიახლეები
კომენტარები
იტვირთება...