ამირან გამყრელიძე: აგვისტოს ბოლოსთვის, „დელტას“ შტამი „ალფას“ შტამს მთლიანად ჩაანაცვლებს

დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის, ამირან გამყრელიძის განცხადებით, ქვეყანაში ამჟამად ე.წ ინდური შტამის 52 შემთხვევაა დადასტურებული და მსგავს შემთხვევებზე კვლევა გრძელდება.

როგორც ამირან გამყრელიძემ ბრიფინგზე განაცხადა, მოსალოდნელია, რომ აგვისტოს ბოლოს, ე.წ ინდური შტამი სხვა შტამებს ჩაანაცვლებს.

„დელტას“ შტამი იმატებს. წინა კვირაში გვქონდა 25 ახალი შემთხვევა. ახლა სულ, სადღაც 52 შემთხვევაა, კიდევ კვლევაშია დამატებითი შემთხვევები. ამაში არაფერი გასაკვირი არ არის იმიტომ, რომ „დელტას“ შტამი ევროპულ ქვეყნებში თანდათან ანაცვლებს „ალფას“ შტამს. პროგნოზი გახლავთ, რომ აგვისტოს შუა რიცხვებში, აგვისტოს ბოლოს ის მთლიანად ჩაანაცვლებს. ჩვენ გლობალური სამყაროს ნაწილი ვართ და მისგან დაცული არ ვართ. პრევენციული ღონისძიებები უნდა გატარდეს, ვატაროთ პირბადე, არ იყოს დიდი თავშეყრები, დავიცვათ დისტანცია. დღეს მთავარი გახლავთ ინტენსიური ვაქცინაცია“, – განაცხადა ამირან გამყრელიძემ.

კომენტარები
იტვირთება...