ამერიკამ შესაძლოა, “ღია ცის ხელშეკრულება” დატოვოს

თეთრი სახლი “ღია ცის ხელშეკრულებიდან” გასვლის საკითხს განიხილავს. ამის შესახებ დემოკრატიული პარტიის წევრმა, აშშ-ს კონგრესის წარმომადგენელთა პალატის საგარეო საქმეთა კომიტეტის თავმჯდომარემ, ელიოტ ენგელმა თავის ვებ-გვერდზე დაწერა.

მისი თქმით, ხელშეკრულება მნიშვნელოვან სამხედრო გამჭვირვალობას უზრუნველყოფს 34 ხელმომწერი ქვეყნისთვის, ხოლო ხელშეკრულებიდან ვაშინგტონის გასვლა მხოლოდ რუსეთისთვის იქნება სასარგებლო.

ელიოტ ენგელის შეფასებით, ეს ნაბიჯი აშშ-ის მოკავშირეების ეროვნული უსაფრთხოების ინტერესებს დააზიანებს, ვისთანაც თეთრ სახლს ამ საკითხთან დაკავშირებით კონსულტაცია არ გაუვლია.

“ღია ცის ხელშეკრულება” – 1992 წლის საერთაშორისო ხელშეკრულებაა. ის ხელს უწყობს ხელმომწერ ქვეყნებს  შორის ერთმანეთის ტერიტორიების შემოწმებას ფრენების ჩასატარებლად, რითაც სამხედრო მოქმედებებს აკვირდებიან. დოკუმენტი არსებული იარაღის კონტროლის ხელშეკრულებებთან შესაბამისობაშია.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად