სააკაშვილის უცხოეთში სამკურნალოდ გაშვება იმას ნიშნავს რომ „ბანძი“ ქვეყანა ხარ, ინფრასტრუქტურა არ გაქვს - ამის შესახებ პარტია „მოქალაქეების“ თავმჯდომარემ, ალეკო ელისაშვილმა განაცხადა.
„მიხეილ სააკაშვილის უცხოეთში სამკურნალოდ გაშვება რას ნიშნავს?- ნიშნავს იმას რომ შენ, ინფრასტრუქტურა არ გაქვს, „ბანძი“ ქვეყანა ხარ, წარმოგიდგენიათ? „ბანძ“ ქვეყნად გამოჩნდები. არც კლინიკა გაქვს, არც ექიმები გყავს, არც ინფრასტრუქტურა, ე.ი. თალიბანის ავღანეთი ხარ, რომელსაც არაფერი აქვს. ასე არ შეიძლება. „ქართული ოცნებაც“ ჯიბრშია და ამ სადიზმით კმაყოფილებას იღებს“, - განაცხადა ელისაშვილმა.
