A1 ბანერი

ახვლედიანი: „ოცნებას“ შუაში მყოფი ოპოზიციის მხარდაჭერა ჟანგბადივით სჭირდება

„დემოკრატიული მოძრაობის“ ერთ-ერთი ლიდერის გიორგი ახვლედიანის განცხადებით, „ქართულ ოცნებას“ შუაში მყოფი ოპოზიციური პარტიების მხარდაჭერა ჟანგბადივით სჭირდება.

როგორც ახვლედიანმა „აიპრესს“ განუცხადა, ამისთვის საჭიროა ხელისუფლებმა ერთი ნაბიჯი გადადგას და ოპოზიციასთან დაიწყოს დიალოგი პროპორციული სისტემის მიღების თვალსაზრისით. ახვლედიანის შეფასებით, ამ შემთხვევაში „ქართული ოცნება“ გადარჩება.

“ყოველგვარი მიკიბვ-მოკიბვის გარეშე, პირდაპირ გეტყვით, რატომ დგას ოპოზიციის ამხელა სპექტრი შუაში და არ აფიქსირებს გამოკვეთილად ღიად თავის პოზიციას. ამ პოლიტიკური პარტიების მხარდაჭერა ჟანგბადივით სჭირდება “ქართულ ოცნებას”. იმ ფონზე, როცა “ნაცმოძრაობის” ფლანგზე მიდის გაერთიანება. ყოველდღე ვხედავთ ახალ-ახალ პოლიტიკურ ძალებს. ძველებს თუ ახლებს იერთებენ. ახდენენ დემონსტრირებას, რომ ყველანი ერთად არიან ერთის წინააღმდეგ.

“ქართულ ოცნებასაც” ჰქონდა შანსი, შეექმნა სერიოზული ფლანგი. ამისთვის საჭირო იყო ერთადერთი რამე, რეალური პოლიტიკური ნაბიჯი გადაედგა ოპოზიციის მიმართულებით, რაც უპირველეს ყოვლისა უკავშირდება საარჩევნო სისტემის ცვლილებას. ჩვენ თვითონ შევთავაზეთ ეს.  თუ ამ ნაბიჯს გადადგამდა დავიწყებდით დისკუსიას პროპორციულ სისტემაზე გადასვლაზე და ასეთ ჩიხში არ იქნებოდა. არც ამის გაკეთება არ უნდათ?! მაშინ რითი უნდათ გადარჩენა ვერ ვხვდები.

თუ ხელისუფლება ამ მიმართულებით გადადგამს ნაბიჯს და ოპოზიციასთან დაიწყებს დიალოგს, ეს მთელი საზოგადოებისთვის პოზიტიური მესიჯი იქნება, რომ ხელისუფლება მზად არის საქმითაც დაამტკიცოს ქვეყანაში აღარ იყოს ერთპარტიული დიქტატურა და მზადაა იყოს  პლურალისტური გარემო, დიალოგის რეჟიმი და სახელმწიფოზე ორიენტირებული გადაწყვეტილებები. ჩვენ ინტერფრაქციულმა ჯგუფმა მივმართეთ წერილით და ყურიც კი არ შეუბერტყია ხელისუფლებას”, – განაცხადა

მსგავსი სიახლეები
კომენტარები
იტვირთება...