51 ოპოზიციონერი დეპუტატისთვის სადეპუტატო უფლებამოსილების შეწყვეტის საკითხზე პარლამენტი ხვალ იმსჯელებს

პარლამენტის საპროცედურო საკითხთა და წესების კომიტეტში 26 იანვარს სხდომა გაიმართება, სადაც 51 ოპოზიციონერი დეპუტატისთვის სადეპუტატო უფლებამოსილების შეწყვეტის საკითხზე იმსჯელებენ.

დღის წესრიგში აღნიშნულია, რომ პარლამენტის წევრის უფლებამოსილების ვადამდე შეწყვეტის საკითხის განხილვა იგეგმება შემდეგი დეპუტატების: თეონა აქუბარდია, არმაზ ახვლედიანი, დავით ბაქრაძე, ლევან ბეჟაშვილი, თინათინ ბოკუჩავა, გიორგი ბოტკოველი, გიორგი გოდაბრელიძე, რომან გოცირიძე, ხატია დეკანოიძე, ლევან ვარშალომიძე, გიორგი ვაშაძე, გრიგოლ ვაშაძე, აბდულა ისმაილოვა, მანუჩარ კვირკველია, ვახტანგ კიკაბიძე, დავით კირკიტაძე, თამარ კორძაია, ნონა მამულაშვილი, პაატა მანჯგალაძე, ნიკა მაჭუტაძე, ნიკანორ მელია, აკაკი მინაშვილი, შალვა ნათელაშვილი, ტარიელ ნაკაიძე, კობა ნაყოფია, ანა ნაცვლიშვილი, რამაზ ნიკოლაიშვილი, კახაბერ ოქრიაშვილი, სალომე სამადაშვილი, ხათუნა სამნიძე, გუბაზ სანიკიძე, სულხან სიბაშვილი, ზაალ უდუმაშვილი, დავით უსუფაშვილი, ბაჩუკი ქარდავა, შალვა შავგულიძე, თამარ ჩარკვიანი, ცეზარ ჩოჩელი, ნატო ჩხეიძე, როსტომ ჩხეიძე, ანა წითლიძე, დევი ჭანკოტაძე, ლევან ხაბეიშვილი, დილარ ხაბულიანი, მამუკა ხაზარაძე, დავით ხაჯიშვილი, ეკატერინე ხერხეულიძე, ელენე ხოშტარია, თეიმურაზ ჯანაშია, ბადრი ჯაფარიძე, ზურაბ გირჩი ჯაფარიძე.

შეგახსენებთ, პარლამენტმა იანვრის დასაწყისში სადეპუტატო უფლებამოსილება „პატრიოტთა ალიანსის“ წევრებს – ირმა ინაშვილს, გიორგი ლომიასა და გოჩა თევდორაძეს შეუწყვიტა, მათ ნაცვლად საკანონმდებლო ორგანოში პარტიის საარჩევნო სიის წევრები ფრიდონ ინჯია, გელა მიქაძე და დავით ზილფიმიანი შევიდნენ.

საკომიტეტო განხილვის შემდეგ, აღნიშნული საკითხი სხდომაზე გავა, სადაც ოპოზიციონერი დეპუტატებისთვის სადეპუტატო უფლებამოსილების შეწყვეტისთვის 76 დეპუტატის მხარდაჭერა იქნება საჭირო. დეპუტატებმა მეათე მოწვევის პარლამენტს სადეპუტატო უფლებამოსილების შეწყვეტის მიზნით თავად მიმართეს, მიზეზად საპარლამენტო არჩევნების გაყალბება დაასახელეს.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად