334 კოვიდინფიცირებული 24 საათში – ლიბანი ანტირეკორდს ამყარებს
ლიბანის ჯანმრთელობის დაცვის სამინისტრო განვლილი 24 საათის კორონავირუსის სტატისტიკას აქვეყნებს
გამოქვეყნებული მონაცემების თანახმად, განვლილ 24 საათში ლიბანში კოვიდინფიცირების 334 შემთხვევა გამოვლინდა, 11 აგვისტოს დაფიქსირებულ რეკორდულ რაოდენობაზე 25-ით მეტი.
სულ, 21 თებერვლიდან დღემდე ლიბანში კორონავირუსით ინფიცირების 8045 შემთხვევაა გამოვლენილი.
განვლილ 24 საათში კორონავირუსით 2 კაცი გარდაიცვალა. სულ, ლივანში კორონავირუსით 94 კაცია გარდაცვლილი.
ლიბანში, ინფიცირების შემთხვევები ივლისში 1778-დან 4555-მდე, 2777-ით ანუ 156%-ით გაიზარდა, ხოლო კორონავირუსით გარდაცვალებულთა რაოდენობა კი 34-დან 61-მდე, 27-ით ანუ 79%-ით.
ლიბანში, ივლისში დღეში საშუალოდ 90 ინფიცირება და 0,9 გარდაცვალება ფიქსირდებოდა, აგვისტოს განვლილი 14 დღის საშუალო კი 249 ინფიცირება და 2,4 გარდაცვალებაა