30 მილიონი ევრო ბათუმის მუნიციპალური ინფრასტრუქტურის რეაბილიტაციისთვის

ბათუმის მუნიციპალური ინფრასტრუქტურის რეაბილიტაციის პროექტის ფარგლებში, გორგილაძის ქუჩაზე, გრიბოედოვისა და ჯავახიშვილის ქუჩებს შორის არსებულ მონაკვეთში წყალარინების ახალი ქსელის მოწყობა მიმდინარეობს. აღნიშნულ მონაკვეთში სამუშაოების დასრულება და გზის საფარის კეთილმოწყობა თვის ბოლოსთვის იგეგმება.

პარალელურად ხორციელდება ჯავახიშვილის ქუჩის სანიაღვრე არხისა და წყალარინების ქსელის სარეაბილიტაციო სამუშაოები. პროექტი ინტენსიურად მიმდინარეობს და მისი დასრულება დაგეგმილია მიმდინარე წლის ბოლომდე. ბათუმის მუნიციპალური ინფრასტრუქტურის რეაბილიტაციის პროექტის ფარგლებში სამუშაოები მთელი ქალაქის მასშტაბით რამდენიმე ლოკაციაზე ერთდროულად მიმდინარეობს. აღნიშნული სამუშაოების ჯამური ღირებულება 30 მილიონამდე ევროს შეადგენს.
ამის შესახებ ინფორმაციას ბათუმის მერია ავრცელებს.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად