27 აგვისტოდან იზღუდება Sinopharm-ის ვაქცინის პირველი დოზით აცრა

27 აგვისტოდან იზღუდება Sinopharm-ის ვაქცინის პირველი დოზით ადმინისტრირება (როგორც წინასწარი ჯავშნით, ასევე ცოცხალი რიგით) ვაქცინის დამატებითი პარტიის მიღებამდე, – ამის შესახებ ინფორმაციას დაავადებათა კონტროლის ეროვნული ცენტრი ავრცელებს.

მათივე ინფორმაციით, შეზღუდვა არ ეხება იმ პირებს, ვინც პირველი დოზით აცრის ჯავშანი გააკეთა მიმდინარე წლის 27 აგვისტომდე ნებისმიერი მომდევნო თარიღისთვის.

„შეუფერხებლად გრძელდება მოქალაქეების აცრა Sinopharm-ის ვაქცინის მეორე დოზით. პირველი დოზით აცრის მსურველებმა დაჯავშნეთ და აიცერით „ფაიზერის“, „ასტრაზენეკასა“ და „სინოვაკის“ ვაქცინებით“, – აცხადებენ დაავადებათა კონტროლის ცენტრში.

კომენტარები
იტვირთება...