22 ოქტომბერს დაგეგმილი თბილისიმარათონი -2017 აღარ გაიმართება.

22 ოქტომბერს დაგეგმილი თბილისიმარათონი-2017 აღარ გაიმართება.
 

 

დღეს 2017 წლის 16 ოქტომბერს, პრესკონფერენციაზე ცნობილი გახდა, რომ თბილისიმარათონი-2017 აღარ გაიმართება! 

თბილისის მერიის განცხადებით: “თბილისის ქუჩებში არსებული სარემონტო სამუშაოების გამო ცენტრალური ქუჩების გადაკეტვა თბილისიმარათონისთვის გამოიწვევს სატრანსპორტო მოძრაობის პარალიზებას და თბილისელების გულის წყვეტას”. 
თბილისის მერიის მხრიდან შემოთავაზება იყო გარბენი დაიწებულიყო დილით 07:00-ზე ან მომხდარიყო ღონისძიების ლოკაციის შეცვლა. უნდა აღინიშნოს, რომ ჰაიდელბერგცემენტის მიერ თბილისიმარათონის-2017-ის თარიღის (2017 წლის 22 ოქტომბრის) და მარშრუტის შესახებ ინფორმაცია თბილისის მერიას პირველად ეცნობა 2016 წლის ნოემბრის თვეში (ხოლო შემდგომში 2017 წლის თებერვალი, აპრილში,სექტემბერში). 
მერიის მიერ შემოთავაზებული გეგმით თბილისიმარათონი 2017-ის ჩატარება შეუძლებელია შემდეგ გარემოებათა გამო:

(1) ◾ღონისძიების დილის 7 საათზე დაწყება –
მორბენლები მარათონის დაწყებამდე დაახლოებით 2 საათით ადრე მოდიან ღონისძიებაზე რეგისტრაციის გავლის, სანომრე ნიშნების მიღების და ხელბარგის დასაწყობების მიზენით, დილის 5 საათზე ღონისძიების დაწყება ფიზიკურად შეუძლებელია და არ აკმაყოფილებს არც ერთ საერთაშორისო სტანდარტს. 
(2)◾ღონისძიების ლოკაციის შეცვლა –
თბილისიმარათონი 2015 წლიდან მარათონებისა და გრძელ დისტანციებზე გარბენთა საერთაშორისო ასოციაციის (AIMS) წევრია და შედეგების დათვლაც მსოფლიოში აპრობირებული, Mika Timing-ის „Official Timekeeping and Data Processing” ავტომატური სისტემით ხორციელდება. სარბენი მარშრუტი 2016 წელს აიზომა AIMS-ის მიერ. იმის გამო რომ ღონისძიებამდე სულ რამოდენიმე დღე რჩება შეუძლებელია ლოკალიის შეცვლა, სარბენი ტრასის გაზომვა და ტექნიკის გადაწყობა საჭიროებს სულ მცირე 2-თვიან წინასწარ პროცედურას. 

მიუხედავად იმისა რომ ღონისძიების გაუქმება მოხდა ჩვენგან დამოუკიდებელი მიზეზების გამო ჰაიდელბერგცემენტი და თბილისიმარათონის საორგანიზაციო ჯგუფი ბოდიშს უხდის ყველა მონაწილეს, სპონსორს,მხარდამჭერს და ბენეფიციარს.

მსგავსი სიახლეები
კომენტარები
იტვირთება...