2020 წლის ერთიანი ეროვნული გამოცდებისათვის რეგისტრაცია მარტის პირველ ნახევარში დაიწყება

გამოცდების ეროვნული ცენტრის ცნობით, ერთიანი ეროვნული გამოცდებისათვის რეგისტრაცია მარტის პირველ ნახევარში დაიწყება და რამდენიმე კვირა გასტანს.

2020 წლის ერთიან ეროვნულ გამოცდებთან დაკავშირებული სიახლეების შესახებ დეტალური ინფორმაცია აბიტურიენტებს ცენტრის დირექტორმა სოფიო გორგოძემ და სხვადასხვა საგნობრივი ჯგუფის ხელმძღვანელებმა მიაწოდეს.

გარდა მათთვის საინტერესო კითხვებზე ამომწურავი პასუხების მიღებისა, აბიტურიენტებს შესაძლებლობა ჰქონდათ გაევლოთ ერთიანი ეროვნული გამოცდებისათვის მოდელირებული რეგისტრაციაც, რომლის მეშვეობითაც ისინი დეტალურად გაეცნენ რეგისტრაციის ინსტრუქციასა და წესებს.

ერთიანი ეროვნული გამოცდებისათვის რეგისტრაცია მარტის პირველ ნახევარში დაიწყება და რამდენიმე კვირა გასტანს.

ღია კარის დღეები შეფასებისა და გამოცდების ეროვნულ ცენტრში (მის.: თბილისი, ე. მინდელის N9) ყოველ ოთახშაბათს, 16:00 საათზე გაიმართება. დასწრება თავისუფალია.

თბილისში ღია კარის დღეების ორგანიზების პარალელურად, საინფორმაციო ხასიათის შეხვედრები აბიტურიენტებთან საქართველოს რეგიონებშიც იმართება. შეხვედრები უკვე შედგა მარნეულში, გარდაბანში, დმანისსა და ბოლნისში.

აბიტურიენტთა მეტი ინფორმირებისათვის საინფორმაციო შეხვედრები შეფასებისა და გამოცდების ეროვნული ცენტრის ორგანიზებით საქართველოს სხვა ქალაქებშიც გაიმართება.

2020 წლის ერთიანი ეროვნული გამოცდებისათვის რეგისტრაცია მარტის პირველ ნახევარში დაიწყება

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად