2 წლის ანიტას თბილისის მერიაც დაეხმარება

პატარა ანიტას, რომლის გამოჯანმრთელების საქმეში მთელი საქართველოა ჩართული, თბილისის მერიაც დაეხმარება. ამის შესახებ ინფორმაციას მერია ადასტურებს

როგორც უწყებაში აცხადებენ, პატარა ანიტას ავადმყოფობის შესახებ თბილისის მერმა სოციალური ქსელით შეიტყო. მისი დავალებით მერიის თანამშრომლები დაუკავშირდენენ ანიტას ოჯახს.

თბილისის მერია მზადაა გაუწიოს დახმარება პატარა ანიტას. ამ ეტაპზე ველოდებით შესაბამის დოკუმენტაციას, ოჯახს ჯერ არა აქვს კალკულაცია კლინიკებიდან. როგორც კი საბუთები გადმოგზავნება, თბილისის მერია გაუწევს შესაბამის დახმარებას.

შეგახსენებთ, რამდენიმე დღის წინ, ორი წლის ანიტა ფაცაციას უმძიმესი დაავადება – „დილატაციური კარდიომიოპათია“ დაუდგინდა. მედიკოსების თქმით, საჭიროა ჩატარდეს სასწრაფო ოპერაცია უმოკლეს ვადაში. უნდა ჩაიდგას აპარატი რომელიც ხელოვნურად ამუშავებს გულს, მანამ სანამ ოჯახი გულის ტრანსპლანტაციისთვის თანხის მოგროვებასა და დონორის პოვნას შეძლებს.

ოპერაციის გაკეთება, დიდ თანხებს უკავშირდება. ოჯახმა და ახლობლებმა უკვე დაიწყეს თანხის შეგროვება, რადგან ბავშვის მდგომარეობა დამძიმდა და არც ერთი წამის დაკარგვა აღარ შეიძლება! პატარა ანიტა, ახლა ავსტრიაში იმყოფება. ოპერაცია კი, დაახლოებით 300 000 ევრო ჯდება. სანამ თანხის გადარიცხვა არ მოხდება, არაფერს უკეთებენ. უსახსრობის გამო, ანიტას ექიმებმა საავადმყოფო დაატოვებინეს, ის ამჟამად ავსტრიის თავშესაფარშია. მისი ჯანმრთელობის მდგომარეობიდან გამომდინარე, მისი ტრანსპორტირება არ შეიძლება.
ანიტას გადასარჩენად მთელი საქართველო უნდა გაერთიანდეს. ერთად დგომით უკვე არაერთი სიცოცხლე გადავარჩინეთ და ახლა ანიტას დროა.

საქართველოს ბანკის ანგარიშის ნომერი:

GE28BG0000000100761966

მიმღები- ლია ჩხაიძე ( ანიტას ბებია)

TBC ანგარიში:

GE38TB7855945064300017

გადახდის აპარატებიდან ჩასარიცხად:

პ/ნ 60001030692

ლია ჩხაიძე

 

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად